اهلا انا وسام يغمور
تخرجت من الثانوية العامة بمعدل 99,83% .. أيام الاختبارات كانت تجي من الوزارة، مو مثل هذي الايام .. نقصت من المعدل الكامل 3 درجات فقط في التوحيد 🤦🏽♂️ كيف وليش نقصتها؟ هذي قصة ثانية ممكن احكيكم هي بعدين.وكان وقتها ترتيبي الرابع على المملكة 💪.
وفي عام 2014 قررت اتفرق تماما لتأسيس شركة واضح
ليش بدأت شركة واضح؟
طول عمري كنت دافور في الرياضيات والمواد العلمية سهلة جدا بالنسبة لي اذاكرها… وكنت حتى أعلم بعض زملائي.. وبعضهم يحلف انه كان مستحيل ينجح في الثانوية بدون شرحي.
وانا اعتقد ان الرياضيات والمواد العلمية تدرس بطريقة… خليني اقول معقدة شوية… بعيدة عن اغلب الطلاب… ناخذها قواعد وقوانين بدون ما نفهم كيف جات وليش؟ 🤔
لما اشتغلت في الهندسة في شركات ضخمة عالمية، عرفت ايش المهم في الرياضيات وكيف تستخدم وفين تستخدم… بدأت احس أكثر بها..وصارت حتى أسهل علي.
وقررت اني انقل مهارتي في الشرح وخبرتي العملية للطلاب في السعودية وفي كل الوطن العربي.
حلمي أخلي مادة الرياضيات سهلة بسيطة… اخليكم تحبوها… عشان في النهاية تدخلوا تخصصات علمية 🧑🔬 وهندسية 👷 🏗️ في الجامعة… وتصيروا انتوا الجيل القادم من العلماء و المهندسين والاطباء والمبرمجين والمصممين والمعماريين… وتبنوا هذا البلد اوتحققوا رؤيته.
والحمد لله 🙏.. قدرت احقق بعض من هذا الحلم…
تابعنا ايضا على
موقع عين؟
ومن اللي حققته ايضا في هذا المشروع أن صارت الدروس اللي عملتها موجودة على موقع عين في شرح كتب الرياضيات للمرحلة الثانوية، حتى نيستفيد منها أكثر عدد من الطلاب ولسة حنكمل معاكم باقي المواد وباقي المراحل، وما نستغنى عن دعمكم دائما
وماأنسى أشكر الجهات اللي دعمتني في هذا المشروع
